kooxaha mucaaradka ee ka dagaalama dalka jamhuuriyada dimuqraadiga ah ee Kongo ee loo yaqaano M23 iyo Mas'uuliyiinta dowlada Kongo ayaa wado hada hadalo xal lagu doonayo markale waxa uu ugu furmay dallka Uganda gaar ahaan Magaalada Kampala ee Caasimada dalkaasi.

Wafdi ka kala socda mucaaradka M23 iyo dowlada ayaa maalinta bari lagu wadaa in ay ku kulmaan magaalada Kampala ee dalka Uaganda sidaasi waxaa saxaafada u sheegay afhayeen u hadlay Dowlada oo lagu magacaabo Opolot.

Wadahadaladaan la wado inay ka furmaan dalka Uganda ayaa u jeedkooda waxa uu yahay sidii xal waara loogu gaari lahaa dhibaatada colaad ee ka taagan dalka Jamhuuriyada Dimuqraadiga ee Kongo,waxa uuna dhameystir u yahay heshiis hordhac ah oo dhawaan mucaaradka iyo dolwada ay Kampalaay ku gaareen kaai oo la doonayo in waxyaabaha ka harsan haatan la dhameystiro,

Wafuud kala duwan oo labada dhinac ah ayaa ku sii qulquleysa magaalada Kampala oo ka kala socota Mucaaradka iyo dowlada,waxaana kulankaan la doonayo in heshiis laga gaaro colaada Kongo ayaa waxaa horkaceysa dowlada Uganda oo horay loogu eedeeyay in ay taageero siiso Mucaaradka M23.

Mucaaradka ayaa horay ugu hanjabaad ugu jeediyay dowlada kaasi oo ku aadanaa in ay dib ugu soo laabanayaan Magaalooyinkii ay baneeyeen hadii Madaxweynaha dalka Kongo ee Joseph Kapila uusan qaadan ama ku dhaqmin qodobo dhowr ah oo laga soo saaray heshiis dhawaan lagu gaaray dalka Uganda kaasi oo sabab u ahaa in mucaaradka ay ka baxaan dhullal dhowr ah oo Gooma ay ka mid tahay.