Monday January 14, 2013 TWITTER FACEBOOK PRINT THIS PAGE SEND TO YOUR FRIEND  
Masuuliyiinta maamulka Galmudug ayaa faah-faahin ka bixiyay dagaal beeleed ka dhacay deegaano ka tirsan Gobalka Mudug halkaasi oo ay ku dagaalameen maleeshiyo beeleedyo.


Guddoomiyaha Guddiga Dhexdhexaadinta beelaha ku dagaalamay deegaano hoostaga Degmada Gelinsoor ee Gobalka Mudug ahna wasiirka qeyraadka Galmudug C/qaadir Maxamed Cali Qalabxooor ayaa sheegay in dagaalkaasi uu ka dhashay khasaaro kala duwan.

Wuxuu sheegay in iminka ay kuguda jiraan dhexdhexaadin ku aadan beelahaasi dagaalamay isaga oo intaasi hadalkiisa ku daray in meel wanaagsan ay u marayaan howlaha.

Dadka dagaalamay ayuu sheegay inay yihiin dad xoolo dhaqato ah islamarkaana amuuraha ay ku dagaalameen ay suuragal tahay inay yihiin daaqsin iyo arimo dhulbeereed la xiriira.

C/qaadir Maxamed Cali Qalabxooor Guddoomiyaha Guddiga Dhexdhexaadinta beelaha ku dagaalamay deegaano hoostaga Degmada Gelinsoor ee Gobalka Mudug ayaa ugu baaqay beelaha halkaasi ku dagaalamay inaysan dib usoo celin dagaalkaasi ayna eegaan walaaltinimada iyo wanaaga ay kuwada dagan yihiin.

Gobalada dhexe ee dalka Soomaaliya deegaano ka tirsan waxaa ku dagaalama dad reer miyi ah kuwaasi oo isku qabsada arimo la xiriira dhul beereed.

 

COMMENTS (0)
No Comments Available
ADD YOUR COMMENT
Name :  
 
Email :  
 
Comment :  
 
Security Code :  
 
 
 
KEYDKA SAWIRADA